સુરત : અગ્રવાલ પ્રગતિ ટ્રસ્ટ દ્વારા 1 અને 2 જૂનના રોજ અગ્ર-એક્ઝોટિકા, ડુમસ ખાતે અગ્રવાલ બિઝનેસ કોન્કલેવનું આયોજન કરવામાં આવશે. આ માહિતી આપવા માટે બુધવારે ટ્રસ્ટ દ્વારા પત્રકાર પરિષદનું આયોજન કરવામાં આવ્યું હતું. પત્રકાર પરિષદમાં અગ્રવાલ પ્રગતિ ટ્રસ્ટે જણાવ્યું હતું કે ઈવેન્ટનો ઉદ્દેશ્ય નવા ઉદ્યોગ સાહસિકોને એક મંચ પર લાવવાનો છે.
બિઝનેસ, ફ્રેન્ચાઈઝી, વિસ્તરણ વગેરેને પ્લેટફોર્મ આપવામાં આવશે
અગ્રવાલ બિઝનેસ કોન્ક્લેવમાં બિઝનેસ, ફ્રેન્ચાઈઝી, વિસ્તરણ વગેરેને પ્લેટફોર્મ આપવામાં આવશે. ઉપરાંત, રોકાણકારોની સ્ટાર્ટઅપ મીટ, બિઝનેસ પ્રમોશન વગેરે જેવા મુદ્દાઓ પર વિશેષ ધ્યાન આપવામાં આવશે. અગ્રવાલ બિઝનેસ કોન્કલેવમાં દિલ્હી, મુંબઈ સહિત સમગ્ર ભારતમાંથી બિઝનેસ લીડર્સ આવશે. શાર્ક અમન ગુપ્તા તેમના પ્રેરક ભાષણથી ઇવેન્ટની શરૂઆત કરશે અને નવા ઉદ્યોગ સાહસિકોને પ્રોત્સાહિત કરશે. કાર્યક્રમમાં હર્ષવર્ધન જૈન અને રમેશ અગ્રવાલ પ્રેરક વક્તા તરીકે હાજર રહેશે. બે દિવસીય કોન્ક્લેવમાં વિવિધ સત્રોમાં વિવિધ પ્રકારના સેમિનારનું આયોજન કરવામાં આવશે.
પત્રકાર પરિષદમાં અગ્રવાલ પ્રગતિ ટ્રસ્ટના સીએ મહેશ મિત્તલ, રતનલાલ દારુકા, અશોક સિંઘલ, વિશ્વનાથ સિંઘાનિયા, પવન ઝુંઝુનુવાલા, અંકુર બીજાકા સહિત અનેક સભ્યો હાજર રહ્યા હતા.
