સુરત: સુપ્રીમ કોર્ટના વકીલ અને “ફાઇટ ફોર યોર રાઇટ” સંગઠનના કાર્યકર્તા સુશ્રી કીર્તિ આહુજાએ આસારામ બાપુના વિરુદ્ધ કેસો અંગેની કાયદાકીય કાર્યવાહીમાં થયેલી મહત્વપૂર્ણ ભૂલો પર વાતચીત કરી હતી.
અખિલ ગુજરાત સંત શ્રી આસારામજી સાધક સંગઠન દ્વારા આયોજિત કોન્ફરન્સમાં ટ્રાયલના મહત્વપૂર્ણ પાસાઓને સંબોધવામાં આવ્યા હતા અને ન્યાયની આવશ્યકતા પર ભાર મૂકવામાં આવ્યો હતો.
આહુજાએ આ કેસમાં થયેલી વિવિઘ કાયદાકીય ભૂલો પર વાત કરી હતી, જેમાં ફર્સ્ટ ઇન્ફોર્મેશન રિપોર્ટ (એફઆઈઆર) દાખલ કરવામાં ચાર દિવસનો વિલંબ અને સામૂહિક બળાત્કાર અને માનવ તસ્કરી સંબંધિત કલમો પર પ્રકાશ પાડ્યો હતો. તેમણે જણાવ્યું હતું કે ફરિયાદ પક્ષે ન્યાયી સુનાવણીમાં અવરોધ ઉભો કરીને કોર્ટમાં વિવિધ નિર્ણાયક તથ્યો છુપાવ્યા હતા. ન્યાયિક દેખરેખનો આરોપ લગાવતા તેમણે કહ્યું કે, જોધપુર અને અમદાવાદની ટ્રાયલ કોર્ટ કેસમાં ઘણી ભૂલોને દૂર કરવામાં નિષ્ફળ રહી, જેનાથી ન્યાયના સંભવિત અડચણ ઊભું થયું છે.
“મેં કોર્ટના આદેશો અને ચુકાદાઓનો ઝીણવટપૂર્વક અભ્યાસ કર્યો છે. જોધપુર અને અમદાવાદ બંને કેસની કાર્યવાહી નિર્દોષ જાહેર કરવાનો ચુકાદો આપે છે. ટ્રાયલ કોર્ટે નિર્ણાયક પાસાઓની અવગણના કરી છે. જો કાયદાનું યોગ્ય રીતે પાલન થાય તો આસારામ બાપુને નિર્દોષ છોડી દેવા જોઈએ. મને વિશ્વાસ છે કે હાઈકોર્ટ ગંભીર ભૂલોની નોંધ લેશે અને આસારામ બાપુને નિર્દોષ જાહેર કરશે.
તેમણે ભારપૂર્વક જણાવ્યું હતું કે, આસારામ બાપુએ જે ગુનાઓ નથી કર્યા તેના આરોપ તેમના પર લગાવવામાં આવ્યા છે અને તેમણે પીડિતોની વાર્તાઓને અસંભવિત પણ ગણાવી હતી.
આહુજાએ મીડિયાને કાયદાકીય ભૂલોને ઉજાગર કરવા અને લોકો સમક્ષ બે કેસ વિશેના સચોટ તથ્યો રજૂ કરવાની અપીલ પણ કરી હતી. આસારામ બાપુના સ્વાસ્થ્ય અંગેની ચિંતાઓને સંબોધતા આહુજાએ તબીબી સારવારને મૂળભૂત અધિકાર તરીકે દર્શાવી હતી. તેમણે તબીબી આધાર પર આસારામ બાપુને પેરોલ અથવા જામીન આપવાની જરૂરિયાત પર ભાર મૂક્યો હતો.
તેમણે વધુમાં ઉમેર્યું કે, જો કેસની યોગ્યતાઓને બાજુ પર રાખવામાં આવે તો પણ તબીબી સારવારને લઈને જામીન માટે પર્યાપ્ત આધાર છે.
