સુરત : સમિટ SIFએ આજે સમિટ એક્ટિવ એસેટ એલોકેટર લોંગ-શોર્ટ ફંડ (એક ઇન્ટરવલ ઇન્વેસ્ટમેન્ટ સ્ટ્રેટેજી, જે ઇક્વિટી, ડેટ, ઇક્વિટી અને ડેટ ડેરિવેટિવ્સ, InVITs અને કોમોડિટી ડેરિવેટિવ્સ, જેમાં ડેરિવેટિવ્સ મારફતે મંજૂર ઇન્સ્ટ્રુમેન્ટ પર ટૂંકા ગાળાના રોકાણ પણ શામેલ છે) લોંચ કરવાની જાહેરાત કરી હતી. ન્યૂ ફંડ ઓફર (NFO) આજથી (12 ઓક્ટોબર, 2026)થી સબસ્ક્રિપ્શન માટે ખુલ્લી છે અને 26 ઓક્ટોબર, 2026ના રોજ બંધ થશે.
NFOના ગાળામાં લઘુતમ રોકાણની રકમ ₹10,00,000/- છે અને ₹1/-ના ગુણાંકમાં રોકાણ કરી શકાશે. SIP રોકાણ માટે લઘુતમ રોકાણની રકમ ₹1,000/- છે અને પછી ₹1/-ના ગુણાંકમાં રોકાણ કરી શકાશે, જે સમિટ SIFની તમામ વ્યૂહરચનાઓમાં કુલ રોકાણ ₹10,00,000ની મર્યાદાને આધીન છે. આ સ્ટ્રેટેજીને શ્રી દીપક ગુપ્તા મેનેજ કરશે અને એનો બેન્ચમાર્ક 40% Nifty 500 TRI + 40% ક્રિસિલ શોર્ટ ટર્મ બોન્ડ ફંડ ઇન્ડેક્સ +20% iCOMDEX કમ્પોઝિટ ઇન્ડેક્સ રહેશે.
આ લોંચ પર ફંડ મેનેજર શ્રી દીપક ગુપ્તાએ કહ્યું હતું, “આર્બિટ્રેજને ઘણી વાર મુખ્યત્વે કેશ-ફ્યુચર્સ સ્પ્રેડ્સના દ્રષ્ટિકોણથી જોવામાં આવે છે. જોકે, વિવિધ બજાર, માધ્યમો અને સ્થિતિઓમાં પ્રાઇસિંગની તકો મળી શકે છે. SIF માળખું અમને પરંપરાગત આર્બિટ્રેજની સાથે સિન્થેટિક ફ્યુચર્સ, ઇન્ડેક્સ, કોમોડિટીઝ અને ખાસ સ્થિતિસંજોગો મારફતે આ પ્રકારની આર્બિટ્રેજની તકો શોધવા મોટું ફલક આપે છે.
સમિટ એક્ટિવ એસેટ એલોકેટર લોંગ-શોર્ટ ફંડ મલ્ટિ-આર્બિટ્રેજ અભિગમ (વિવિધ પ્રકારના આર્બિટ્રેજ રીતોનો ઉપયોગ)ની ફિલોસોફી પર આધારિત છે અને એનો ઉદ્દેશ એક જ પોર્ટફોલિયોમાં વિવિધ આર્બિટ્રેજની તકોને શામેલ કરવાનો છે. જ્યારે મુખ્ય આર્બિટ્રેજ આ વ્યૂરચનાનો આધાર છે, ત્યારે સિન્થેટિક આર્બિટ્રેજ, ઇન્ડેક્સ આર્બિટ્રેજ, કોમોડિટી આર્બિટ્રેજ અને વિશેષ સ્થિતિ જેવી વધારાની આર્બિટ્રેજ તકો રોકાણનો વ્યાપ વધારે છે.
જ્યારે આ વ્યૂહરચના ઉપલબ્ધ સ્પ્રેડ્સનો લાભ લેવા બનાવવામાં આવી છે, ત્યારે બજારની કામગીરી પર વધારે આધાર રાખતી નથી. બજારની ચાલની ધારણાઓને બદલે આર્બિટ્રેજની તકોને ધ્યાનમાં રાખીને આ રોકાણકારોને મધ્યમ ગાળામાં મૂડીરોકાણ કરવાની અલગ રીત આપવા ઇચ્છે છે.
