લાડવીની મહેશ્વરી પબ્લિક સ્કૂલમાં CBSE વેસ્ટ ઝોન કબડ્ડી ચેમ્પિયનશિપનો પ્રારંભ
57 ટીમોના 661 ખેલાડીઓ મેદાનમાં ઉતર્યા, અંડર-14, અંડર-17 અને અંડર-19 કેટેગરીમાં સ્પર્ધા
સુરત: લાડવી ખાતે આવેલી મહેશ્વરી પબ્લિક સ્કૂલમાં CBSE વેસ્ટ ઝોન ક્લસ્ટર–XIII કબડ્ડી ચેમ્પિયનશિપ-2026 (બોયઝ અને ગર્લ્સ)નો ભવ્ય પ્રારંભ થયો હતો. ત્રણ દિવસીય ચેમ્પિયનશિપમાં ગુજરાતના વિવિધ જિલ્લાઓમાંથી આવેલી કુલ 57 ટીમોના 661 ખેલાડીઓ ભાગ લઈ રહ્યા છે.
સ્પર્ધામાં અંડર-14, અંડર-17 અને અંડર-19 કેટેગરીમાં ખેલાડીઓ પોતાની પ્રતિભા અને રમતગમતની કુશળતાનું પ્રદર્શન કરશે.
ઉદ્ઘાટન સમારોહમાં શ્રી મહેશ્વરી શિક્ષણ સંસ્થાના ચેરમેન શંકરલાલજી સોમાણી મુખ્ય અતિથિ તરીકે ઉપસ્થિત રહ્યા હતા, જ્યારે શ્યામ રાઠી વિશિષ્ટ અતિથિ રહ્યા હતા. આ ઉપરાંત શ્રી રામજી મુંદ્રા, MPSના સેક્રેટરી માણિક રાઠી, CBSEના સૌરભ સિંહ, CBSE ઓબ્ઝર્વર અભિષેક શ્રીવાસ્તવ, ટેક્નિકલ ડેલિગેટ, ડિરેક્ટર સંજય ગુપ્તા, પ્રિન્સિપાલ પ્રભાકર નાગુલા અને વાઇસ પ્રિન્સિપાલ સંજય જાજોદિયા સહિતના મહાનુભાવો ઉપસ્થિત રહ્યા હતા.
કાર્યક્રમ દરમિયાન ખેલાડીઓ દ્વારા રંગબેરંગી માર્ચ પાસ્ટ અને શપથવિધિ યોજાઈ હતી. મુખ્ય અતિથિએ ખેલાડીઓને પ્રોત્સાહિત કરતા રમતગમતમાં શિસ્ત, મહેનત અને ખેલદિલીની ભાવના જાળવવા માટે પ્રેરણા આપી હતી. આ સાથે જ ત્રણ દિવસીય કબડ્ડી ચેમ્પિયનશિપનો સત્તાવાર પ્રારંભ થયો હતો.
