ઝી મ્યુઝિક કંપનીએ ‘ટોમ એન્ડ ચેરી’ સાથે ગુજરાતી મનોરંજન ક્ષેત્રે પોતાની પકડ વધુ મજબૂત કરી
ગુજરાતી સિનેમામાં ઝી મ્યુઝિક કંપની અને ઝી સ્ટુડિયોઝના પ્રથમ સહિયારા સાહસ રૂપે ફેમિલી એન્ટરટેનર ફિલ્મ ‘ટોમ એન્ડ ચેરી’ રજૂ થઈ
ગુજરાતી મ્યુઝિક માર્કેટમાં પોતાના ઝડપથી વધી રહેલા વર્ચસ્વને આગળ ધપાવતા, ઝી મ્યુઝિક કંપનીએ ઝી સ્ટુડિયોઝ અને ધિયા ફિલ્મવર્ક્સના સહયોગથી તૈયાર થયેલી પારિવારિક મનોરંજક ફિલ્મ ‘ટોમ એન્ડ ચેરી’ સાથે પ્રાદેશિક મનોરંજન ક્ષેત્રે પોતાની ઉપસ્થિતિ વધુ મજબૂત કરી છે. ગુજરાતી સિનેમામાં પ્રથમ વખત, ૨૮ ઓગસ્ટ ૨૦૨૬ના રોજ આ ફિલ્મ વિશ્વભરમાં રિલીઝ કરવામાં આવી છે, જે દર્શાવે છે કે સ્થાનિક સંસ્કૃતિ સાથે જોડાયેલી વાર્તાઓ અને સંગીત હવે વૈશ્વિક સ્તરે દર્શકોના દિલ જીતી રહ્યા છે.
આ સહયોગ ઝી મ્યુઝિક કંપનીની ગુજરાતી સંગીત ક્ષેત્રની ગાઢ સમજ અને ઝી સ્ટુડિયોઝના ફિલ્મ નિર્માણ તથા વિતરણના વિશાળ અનુભવને એક મંચ પર લાવે છે, જે ઝીની પ્રાદેશિક મનોરંજન યાત્રાનું એક મહત્વપૂર્ણ પગલું છે. આજના સમયમાં દર્શકો જ્યારે પોતાની ભાષા, સંસ્કૃતિ અને લાગણીઓને વણેલી વાર્તાઓ તરફ વધુ આકર્ષાઈ રહ્યા છે, ત્યારે ‘ટોમ એન્ડ ચેરી’ હાસ્ય, હૂંફ અને ભરપૂર મનોરંજનથી સભર એક શ્રેષ્ઠ પારિવારિક ભેટ તરીકે સામે આવી છે.
વિગતવાર કહીએ તો, ઝી મ્યુઝિક કંપનીએ વિભિન્ન ચલચિત્ર સંગીત અને પ્રાદેશિક કલાકારોના સંગમથી પોતાના ગુજરાતી કેટલોગને સતત વિસ્તાર્યો છે, અને સાથે જ સ્થાનિક દર્શકોની પસંદગી તથા ગીતો સાંભળવાની શૈલીને ખૂબ સારી રીતે સમજી છે. ‘ટોમ એન્ડ ચેરી’ આ જ સફળતાના વેગને આગળ વધારીને ઝી બ્રાન્ડ હેઠળ સંગીત અને સિનેમાને એકસાથે જોડવાની એક નવી તક પૂરી પાડે છે.
ઝી મ્યુઝિક કંપનીના ચીફ બિઝનેસ ઓફિસર સુજલ પારેખે જણાવ્યું હતું કે, “ગુજરાતી સંસ્કૃતિ એટલે લાગણીઓ, પરિવાર અને અનોખી વાર્તાઓ, અને સંગીત હંમેશાં તેનો એક અવિભાજ્ય ભાગ રહ્યું છે. ‘ટોમ એન્ડ ચેરી’ અમારા માટે ખૂબ જ ખાસ છે કારણ કે ઝી સ્ટુડિયોઝ અને ઝી મ્યુઝિક કંપનીના સાહસ હેઠળ ગુજરાતી સિનેમામાં આ અમારું પહેલું કદમ છે. આ પારિવારિક મનોરંજક ફિલ્મને માત્ર ગુજરાતમાં જ નહીં, પરંતુ સમગ્ર દેશ અને દુનિયાભરના દર્શકો સુધી પહોંચાડતાં અમને ખૂબ જ આનંદ થાય છે.”
મનોરંજનથી ભરપૂર આ ફેમિલી ફિલ્મ ‘ટોમ એન્ડ ચેરી’માં સિદ્ધાર્થ રાંદેરિયા મુખ્ય ભૂમિકામાં છે. આ તહેવારો અને લાંબા વીકેન્ડના માહોલમાં તમામ વયના દર્શકો માટે હાસ્ય, પરિવારની હૂંફ અને રોમાંચક ક્ષણોથી સભર એક શાનદાર સિનેમાઈ અનુભવ આપવાનું વચન આપે છે.
ફિલ્મ ‘ટોમ એન્ડ ચેરી’નું મ્યુઝિક ઝી મ્યુઝિક કંપનીની ઓફિશિયલ યુટ્યુબ ચેનલ પર ઉપલબ્ધ છે, જ્યારે ફિલ્મ અત્યારે વિશ્વભરના થિયેટરોમાં દર્શાવાઈ રહી છે.
