સુરત, વૈશ્વિક સ્તરે શિક્ષણની વ્યાપક તકોનો લાભ લેવા ઈચ્છતા વિદ્યાર્થીઓને વધુ બહેતર સહાય પૂરી પાડવા તથા પરસ્પર સહયોગ વધારવા માટે પીઅર્સન દ્વારા સુરતમાં પીટીઈ પાર્ટનર મીટનું આયોજન કર્યું હતું. આ બેઠકમાં ગુજરાતના જાણીતા સ્ટડી-એબ્રોડ કન્સલ્ટન્ટ્સ, શિક્ષણ ક્ષેત્રના સહયોગીઓ અને અગ્રણી નિષ્ણાતોએ ભાગ લીધો હતો.
પીઅર્સન દ્વારા વાસ્તવિક જીવનની કોમ્યુનિકેશન સ્કિલ્સને વધુ સારી રીતે રજૂ કરતા સુધારાઓ તેમજ એડવાન્સ્ડ એઆઈઅને માનવ નિષ્ણાતોની મદદથી ટેસ્ટ સિક્યુરિટીમાં કરાઈ રહેલાંઅવિરત રોકાણ સહિતના તાજેતરના સુધારાઓ અંગેની માહિતી રજૂ કરવામાં આવી હતી. પીટીઈવૈશ્વિક સ્તરે 4,000થી પણ વધુ સંસ્થાઓનો વિશ્વાસ ધરાવે છે.
આ મીટિંગમાં સમગ્ર ગુજરાતમાંથી 100થી પણ વધારે સ્ટડી-એબ્રોડ કન્સલ્ટન્ટ્સ, એજ્યુકેશન પાર્ટનર્સ અને આ ક્ષેત્રના નિષ્ણાતોએ હાજરી આપી હતી. તેમાં ખાસ કરીને વિદ્યાર્થીઓની વિદેશ અભ્યાસ માટેની સમગ્ર પ્રક્રિયાનેસરળ બનાવવા, પરસ્પરનો સહયોગ વધુ મજબૂત બનાવવા અને વિદેશ જઈ અભ્યાસ કરવા માંગતા વિદ્યાર્થીઓને સાચી માહિતી, યોગ્ય માર્ગદર્શન અને પરીક્ષાનો સરળ અનુભવ મળે તે બાબતો અંગે ચર્ચા કરવામાં આવી હતી.
પીઅર્સન સાઉથ એશિયાના ઇંગ્લિશ લેંગ્વેજ લર્નિંગના રિજનલ ડિરેક્ટર પ્રભુલ રવિન્દ્રને જણાવ્યું હતું કે, લોકોની વાત સાંભળવાથી અને સમજવાથી નવા અને રચનાત્મક વિચારોનું સર્જન થાય છે. આ પ્રકારની પાર્ટનર મીટ્સ અમને વિદ્યાર્થીઓ અને કાઉન્સેલર્સની બદલાતી જરૂરિયાતોને સમજવામાં મદદ કરવાની સાથે જ વિચારો અને શ્રેષ્ઠ કાર્યાત્મક પદ્ધતિઓનું આદાન-પ્રદાન કરવા માટેનું માધ્યમ પૂરું પાડે છે.
