ધ રેડિયન્ટ ઇન્ટરનેશનલ સ્કૂલના વિદ્યાર્થીઓનો NEET-2026માં ડંકો: 100માંથી 100 વિદ્યાર્થીઓ સફળ, દિવ્યકુમાર પટેલે 600 સ્કોર સાથે શાળામાં પ્રથમ સ્થાન મેળવ્યું
સુરત | અડાજણ સ્થિત ધ રેડિયન્ટ ઇન્ટરનેશનલ સ્કૂલના વિદ્યાર્થીઓએ NEET-2026ની રાષ્ટ્રીય કક્ષાની મેડિકલ પ્રવેશ પરીક્ષામાં શાનદાર પ્રદર્શન કરીને શાળા તેમજ સુરત શહેરનું ગૌરવ વધાર્યું છે. નેશનલ ટેસ્ટિંગ એજન્સી (NTA) દ્વારા જાહેર કરાયેલા પરિણામમાં શાળાના વિજ્ઞાન પ્રવાહ (ગ્રુપ-B)ના વિદ્યાર્થીઓએ ઉત્કૃષ્ટ પરિણામ હાંસલ કર્યું છે.
શાળાના કુલ 100 વિદ્યાર્થીઓએ NEET-2026ની પરીક્ષા આપી હતી અને તમામ વિદ્યાર્થીઓ સફળતા મેળવી મેડિકલ ક્ષેત્રમાં પ્રવેશ મેળવવાના પોતાના સ્વપ્ન તરફ આગળ વધ્યા છે. શાળાના 3 વિદ્યાર્થીઓએ 580થી વધુ સ્કોર મેળવી મેડિકલ ક્ષેત્રમાં ઉજ્જવળ કારકિર્દીની દિશામાં મજબૂત પગલું ભર્યું છે.
દિવ્યકુમાર પટેલ 600 સ્કોર સાથે પ્રથમ ક્રમે
શાળાના ટોપ પરફોર્મર્સમાં પટેલ દિવ્યકુમારે 720માંથી 600 ગુણ મેળવી શાળામાં પ્રથમ સ્થાન પ્રાપ્ત કર્યું હતું. જ્યારે પારેવદિયા શૌર્યએ 598 ગુણ સાથે બીજો ક્રમ અને યાદવ તનુશ્રીએ 581 ગુણ મેળવી ત્રીજો ક્રમ મેળવ્યો હતો.
આ ઉપરાંત શાળાના 20 વિદ્યાર્થીઓએ 550થી વધુ અને 40 વિદ્યાર્થીઓએ 500થી વધુ ગુણ પ્રાપ્ત કરીને ઉત્કૃષ્ટ સફળતા મેળવી છે. તમામ વિદ્યાર્થીઓએ મેડિકલ ક્ષેત્રે આગળ વધી સમાજસેવામાં યોગદાન આપવાનો સંકલ્પ વ્યક્ત કર્યો હતો.
મહેનત, માર્ગદર્શન અને સંકલનથી મળ્યું સફળતાનું પરિણામ
શાળાના સંચાલકોએ જણાવ્યું હતું કે, “વિદ્યાર્થીઓનો સતત પરિશ્રમ, અનુભવી શિક્ષકગણનું યોગ્ય માર્ગદર્શન, નિયમિત મોક ટેસ્ટ અને વાલીઓના સહયોગના કારણે આ ભવ્ય પરિણામ શક્ય બન્યું છે. ધ રેડિયન્ટ ઇન્ટરનેશનલ સ્કૂલ હંમેશા વિદ્યાર્થીઓને ગુણવત્તાસભર અને સર્વાંગી શિક્ષણ આપવા માટે પ્રતિબદ્ધ છે.”
ઉજ્જવળ પરિણામ મેળવનાર તમામ વિદ્યાર્થીઓને શાળાના મેનેજિંગ ટ્રસ્ટી કિરણભાઈ માંગુકિયા અને કેમ્પસ ડાયરેક્ટર આશિષભાઈ વાઘાણી દ્વારા ભાવિ તબીબી કારકિર્દી માટે શુભેચ્છાઓ પાઠવવામાં આવી હતી.
શાળાના આચાર્યમંડળે પણ વિદ્યાર્થીઓ, વાલીઓ અને શિક્ષકગણને અભિનંદન પાઠવી જણાવ્યું હતું કે વિદ્યાર્થીઓ ભવિષ્યમાં પણ આવી જ અનેક સિદ્ધિઓ હાંસલ કરે તેવી શુભકામનાઓ છે.
