રેડિયન્ટ ઇન્ટરનેશનલ સ્કૂલમાં ‘બીચ હોળી’ની અનોખી અને ઇકો-ફ્રેન્ડલી ઉજવણી

સુરત: અડાજણના જહાંગીરબાદ વિસ્તારમાં સ્થિત રેડિયન્ટ ઇન્ટરનેશનલ સ્કૂલ દ્વારા આ વર્ષે ‘બીચ હોળી’ની અનોખી અને પર્યાવરણમિત્ર ઉજવણી કરવામાં આવી હતી. આ કાર્યક્રમમાં વિદ્યાર્થીઓ અને વાલીઓએ ઉત્સાહભેર ભાગ લીધો હતો.

ઉજવણી દરમિયાન કેમિકલ રંગોની જગ્યાએ મુલતાની માટી અને રંગબેરંગી ફૂલોનો ઉપયોગ કરી ઇકો-ફ્રેન્ડલી હોળી અને ધૂળેટી ઉજવવામાં આવી. કાર્યક્રમ દરમિયાન જુમ્બા, યોગા અને વિવિધ મનોરંજક એક્ટિવિટીઓનું આયોજન કરવામાં આવ્યું, જેના માધ્યમથી વિદ્યાર્થીઓને હોળી તહેવારનું સાંસ્કૃતિક અને સામાજિક મહત્વ સમજાવવામાં આવ્યું.

વિદ્યાર્થીઓ અને વાલીઓએ આનંદ અને ઉત્સાહ સાથે હોળીની ઉજવણી કરી હતી. સમગ્ર કાર્યક્રમ આનંદમય અને સુરક્ષિત વાતાવરણમાં યોજાયો હતો.

કાર્યક્રમના અંતે શાળા પરિવાર દ્વારા તમામ પેરેન્ટ્સ અને વિદ્યાર્થીઓને હોળી અને ધૂળેટીની હાર્દિક શુભેચ્છાઓ પાઠવવામાં આવી હતી.