હઝીરા, સુરત : અદાણી હઝીરા પોર્ટ લિમિટેડ (AHPL) દ્વારા 55મો રાષ્ટ્રીય સુરક્ષા દિવસ અને રાષ્ટ્રીય સુરક્ષા સપ્તાહ 2026 ઉત્સાહપૂર્વક ઉજવાયો. માર્ચ મહિનાના અંતિમ સપ્તાહમાં યોજાયેલા આ કાર્યક્રમમાં કર્મચારીઓ, સહયોગીઓએ સક્રિય ભાગ લીધો હતો.
આ વર્ષની થીમ “લોકોને જોડો, શિક્ષિત કરો અને સશક્ત બનાવો જેથી સુરક્ષા વધે” હેઠળ સમગ્ર સપ્તાહ દરમિયાન વિવિધ પ્રવૃત્તિઓ યોજાઈ હતી. કાર્યક્રમની શરૂઆત અદાણી હજીરા પોર્ટના ચીફ ઓપરેટિંગ ઓફિસર પંકજ ઉકે દ્વારા નેશનલ સેફ્ટી કાઉન્સિલના ધ્વજવંદનથી થઈ હતી. તેમણે “ઝીરો હાર્મ” વિઝન પર ભાર મૂકતાં જણાવ્યું કે સુરક્ષા એ માત્ર પ્રક્રિયા નહીં પરંતુ સંસ્કૃતિ છે.
સપ્તાહ દરમિયાન ઓનલાઇન ક્વિઝ, સ્લોગન અને પોસ્ટર સ્પર્ધાઓ, હેઝર્ડ સ્પોટિંગ અભ્યાસ, સ્પોટ સેફ્ટી રેકગ્નિશન, તેમજ નિષ્ણાતો દ્વારા સ્ટ્રેસ મેનેજમેન્ટ, માનસિક આરોગ્ય અને હાર્ટ હેલ્થ અંગે સત્રો યોજાયા હતા. મહિલાઓ અને તેમના પરિવાર માટે ખાસ હેલ્થ અવેરનેસ વર્કશોપ પણ આયોજિત થયો હતો.
સમાપન સમારંભમાં સ્પર્ધાના વિજેતાઓને સન્માનિત કરવામાં આવ્યા અને નુક્કડ નાટક દ્વારા સુરક્ષા સંદેશ આપવામાં આવ્યો. AHPLએ તમામ વિભાગો અને સહયોગીઓને સફળ આયોજન માટે આભાર વ્યક્ત કર્યો. સુરક્ષા પ્રત્યેની પ્રતિબદ્ધતા સાથે AHPL “દરેક કર્મચારી સુરક્ષિત ઘરે પહોંચે” તે દિશામાં સતત પ્રયત્નશીલ છે.
