રેડ & વ્હાઇટ મલ્ટિમિડીયા એજ્યુકેશન ઇન્સ્ટિટ્યૂટ દ્વારા બે દિવસીય ‘સ્પોર્ટ્સ ફેસ્ટ-2024’ યોજાયો

સુરત: રેડ & વ્હાઇટ મલ્ટિમિડીયા એજ્યુકેશન ઇન્સ્ટિટ્યૂટ દ્વારા તા.22 અને 23 ના રોજ શહેરના પાસોદરા વિસ્તાર ખાતે આવેલ દેવ વિલા ગ્રાઉન્ડમાં શહેરની જાણીતી આઈટી ઇન્સ્ટિટ્યૂટ દ્વારા બે દિવસીય ‘સ્પોર્ટ્સ ફેસ્ટ-‘2024નું આયોજન કરવામાં આવ્યું હતું જ્યાં 1500થી વધુ વિદ્યાર્થીઓએ જોશ સાથે ભાગ લીધો હતો.

વિદ્યાર્થીઓને રમત ગમત, મનોરંજન તેમજ ખેલદિલીને પ્રોત્સાહન સાથે સ્વાસ્થ્યની પણ જાગૃકતાના ભાગરૂપે આ ફેસ્ટનું આયોજન કરવામાં આવ્યું હતું. ફેસ્ટમાં કબ્બડી, ક્રિકેટ, ટગ ઓફ વૉર, ખો-ખો, સ્કિપિંગ, 200m, 1500m રેસ, 1600 રીલે રેસ, ચેસ, સંગીત ખુરશી જેવા વિવિધ ગેમ્સમાં વિદ્યાર્થીઓએ ભાગ લીધો હતો. વિજેતા વિદ્યાર્થીઓને વિવિધ ઇનામ આપી સંસ્થા દ્વારા પ્રોત્સાહિત પણ કરવામાં આવ્યા હતા.