સુરત: ધ ઇન્સ્ટિટ્યૂટ ઓફ કોસ્ટ એકાઉન્ટન્ટ્સ ઓફ ઇન્ડિયા દ્વારા ડિસેમ્બર 2025માં યોજાયેલી CMA ઇન્ટરમિડીયેટ અને ફાઈનલ પરીક્ષાના પરિણામોની જાહેરાત કરવામાં આવી છે. આ પરિણામોમાં સુરતની સિમ્પલી શિક્ષા કોચિંગ ક્લાસિસના વિદ્યાર્થીઓએ રાષ્ટ્રીય સ્તરે ઉત્તમ પ્રદર્શન કરી સંસ્થાનું અને શહેરનું નામ ઉજ્જવળ કર્યું છે.
સિમ્પલી શિક્ષા કોચિંગ ક્લાસિસના ડાયરેક્ટર તરુણ અગ્રવાલ અને તેમની ટીમના માર્ગદર્શન હેઠળ ચાર વિદ્યાર્થીઓએ ઓલ ઈન્ડિયા રેન્ક પ્રાપ્ત કરી છે. CMA ફાઈનલ પરીક્ષામાં પલક અગ્રવાલે સમગ્ર ભારતમાં 17મો રેન્ક મેળવી પ્રતિષ્ઠિત સ્થાન હાંસલ કર્યું છે. પ્રતિક વલેજાએ 30મો અને હર્ષ શાહે 35મો રેન્ક મેળવ્યો છે. CMA ઇન્ટરમિડીયેટમાં જિનય સંઘવીએ 43મો ઓલ ઈન્ડિયા રેન્ક મેળવી નોંધપાત્ર સિદ્ધિ મેળવી છે.
સિમ્પલી શિક્ષા કોચિંગ ક્લાસિસ વર્ષોથી CMA પરીક્ષામાં સતત ઉત્તમ પરિણામો આપી રહી છે. સુરતમાં માત્ર CMA માટે વિશેષ કોચિંગ પ્રદાન કરતી આ એકમાત્ર સંસ્થા હોવાનું સંચાલકોએ જણાવ્યું. છેલ્લા આઠ વર્ષમાં સંસ્થાએ કુલ 44 ઓલ ઈન્ડિયા રેન્ક મેળવી ગૌરવપૂર્ણ સિદ્ધિ નોંધાવી છે.
ઉલ્લેખનીય છે કે સંસ્થાના શિક્ષકગણ દ્વારા તૈયાર કરાયેલ અભ્યાસક્રમ આધારિત પુસ્તકો Taxmann Publications દ્વારા પ્રકાશિત કરવામાં આવ્યા છે, જે CMA વિદ્યાર્થીઓ માટે અત્યંત ઉપયોગી સાબિત થઈ રહ્યા છે.
ડાયરેક્ટર શ્રી તરુણ અગ્રવાલે તમામ સફળ વિદ્યાર્થીઓને અભિનંદન પાઠવતાં જણાવ્યું કે આ સિદ્ધિ સતત મહેનત, યોગ્ય માર્ગદર્શન અને શિસ્તબદ્ધ તૈયારીનું પરિણામ છે.
