નવી સિવિલ હોસ્પિટલને ઉત્કૃષ્ઠ કામગીરી બદલ રાજયની બેસ્ટ સરકારી હોસ્પિટલ તરીકે ગુજરાત હેલ્થકેર એકસલન્સ એવોર્ડ-૨૦૨૬” એનાયત

સુરત:  અંગદાન ચેરીટેબલ ટ્રસ્ટ, અમદાવાદ દ્વારા સુરતની નવી સિવિલ હોસ્પિટલને ઉત્કૃષ્ઠ કામગીરી બદલ રાજયની બેસ્ટ સરકારી હોસ્પિટલ તરીકે ગાંધીનગર ધ લીલ્હા ખાતે આયોજીત કાર્યક્રમમાં વિધાનસભાના અધ્યક્ષ  શંકરભાઈ ચૌધરીના હસ્તે ”ગુજરાત હેલ્થકેર એકસલન્સ એવોર્ડ-૨૦૨૬” એનાયત કરવામાં આવ્યો હતો.

અંગદાન ચેરીટેબલ ટ્રસ્ટ દ્વારા રાજ્યમાં સ્વાસ્થ્ય સુધારવા માટે શ્રેષ્ઠ યોગદાન આપનારા વ્યક્તિ અને સંગઠનોને એવોર્ડ આપવામાં આવે છે. જેના ભાગરૂપે ૨૦૨૬ના વર્ષ માટે અમદાવાદની કેન્સર હોસ્પિટલ, યુ.એન.મહેતા હોસ્પિટલ અને સુરતની નવી સિવિલ હોસ્પિટલને એવોર્ડ આપી સન્માનિત કરવામાં આવી હતા. ડો.દિક્ષિતના નેજા હેઠળની કમિટીએ રાજયની હોસ્પિટલોમાં વર્કલોડ, ગ્રોથ જેવા પેરામીટરને ધ્યાને લઈને હોસ્પિટલોની પસંદગી કરવામાં આવી હતી.