સુરતઃ ભારતીમૈયા વિદ્યાસંકુલમાં ગીતા ગાન સ્પર્ધામાં સિદ્ધિ મેળવી છે. ચિન્મય મિશન દ્વારા આયોજિત, આંતરશાળા ગીતા શ્લોક ગાન સ્પર્ધા માં અઠવા ઝોનની-19 શાળાઓમાંથી શ્રી ભારતીમૈયા વિદ્યાસંકુલના બે વિદ્યાર્થીઓ વિજેતા થયા છે. જેમાં વિભાગ સી- માં પાટીલ પ્રીતિ મલગૌડા એ પ્રથમ ક્રમ તેમજ વિભાગ બી- માં પટેલ શ્રેય નિલેશકુમારે ચતુર્થ ક્રમ પ્રાપ્ત કરી શાળાનું ગૌરવ વધાર્યું છે.
આ વિદ્યાર્થીઓને તૈયારી કરાવનાર શિક્ષિકા શિલ્પાબેન ભરથાણીયા છે. તો આ દરેકને ટ્રસ્ટીશ્રીઓએ , તથા શાળાના આચાર્ય શ્રી ડૉ.અખિલેશ એન નાયક તેમજ શાળાના નિરીક્ષકોએ ખૂબ ખૂબ અભિનંદન પાઠવ્યા હતા.
